sheeko xariireey

bari baa waxaa dhacday in habar dugaag qasheen hal ay ku qadeeyaan si cid waliba qado ku hesho, waxaa loo baahday mid kooxda hilibka u qaybiya ( BOQORKA AYDA).

libaax ayaa la waydiistay inuu qaybinta gudoomiye ka noqodo libaaxiiba wuxuu doortay waraabe inuu ha hawsha la wareego, waraabana wuu ogalaaday inuu qaybiyo. si iski kalsooni ah ayuu hilibkii laba qaybood oo is le,eg u kala qaybiyay qayb wuxuu siiyay libaaii qaybtii kalana wuxuu dhex dhigay xubnihii kale ee habar dugaag oo dhan.

intuu deg deg usoo dhuftay oo legday ayuu dhirbaaxo kulul dhulka la dhigay, in yar ka dib ayaa waraabe ka kacay suuxidii uu ku jiraywuuna dhaqaaqay isagoo dhaawac ah oo liita oo la sharaf tiray, libaaxii isaga oo indhaha ku gubaya ayuu intii kale eegay wuxuu yiri ( dawocooy adigu hilibka qaybi si cadaalad ah ), dawacadii laba qaybood oo is le,eg ayeey hilibkii ka dhigtay qayb ayeey siisay libaaxi qaybtii kalana waxa usii qaybisay laba qaybood oo is le,eg hadana qayb ayeey siisay libaaxi sidaa ayeey ku waday qaybintii, ilaa hilibkii hasha oo dhan siisay libaaxi .

libaaxii raali ayuu ka noqday qaybtii loo qoondeeyay wuuna tagay isaga oo aan waslad yarna u dhaafin xubnihii habar dugaag ee kale.

habar dugaagi kale ayaa ka xumaaday xaqsoor-xumada dawacadii waxay waydiiyeen sababta ay uga qadisay hilibkii ay ku qadeen lahaayeen marka lagu darro iyada (dawacada).

dawaco waxay marmarsiiyo uga dhigatay waxay fashay ,wixii waraabe ku dhacay waxay tiri ( markaan arkay sida loo galay waraabe oo ahaa kii kibir iyo awoodba inoogu badna iima furnayn waddo kale oo aan naftayda kaga badbaadin karo dhirbaaxada libaaxa ee igu sababi karta dhimash deg deg ah)

xilli abaar ah hawadu kulushahay oo ceelashii iyo balliyadiiba gudheen ayaa rah haraad iyo gaajo badan la kulmay wuxuu ka fekeray muddo badan sidii uu ku heli lahaa cid caawisa wuxuu xasuustay saaxib hore oo uu lahaa,

markaas ayuu aaday gurigii saaxkii wuxuuna weydiistay waxoog lacag ah oo uu deyn uga qaato si uu biyo ugu iibsado,

rahii wuxuu ku ballan qaaday inuu deynka usoo celiyo mulkiilaha gu,ga soo socda ninkii naxariis ayuu u dareemay rahii tabaalaysnaa wuxuuna siiyay lacagtii markiiba,

dhawr bilood ka dib, markii roobkii da,ay geedihiina cagaar noqdeen balliyadii iyo harooyiinkana muggod biyo uga buuxsameen ayaa ninkii aaday rahii si uu lacagtiisi uga soo qaato laakin markii uu meeshii tagay rahii balli bartankiis ayuu hees iyo ciyaar ku dhex haystay ugu danbaystii ayaa ereygii ugu horeeyay ee uguna danbeeyay ee ka kasoo baxa rahii afkiisi wuxuu noqday ( caadi ahaan xiligani waa waqti aan ku haboonayn in laga hadlo deymo iyo cabashooyin naftay da ayaan u raaxaynayaa ragganimadayda ayaan muujinaya sidaa darteed ayaamahan la ima heli karo ha inoo ahaato xilliga soo aadan ).

waxaa mar labaad soo galay jiilaalkii markaas ayaa ninkii ku noqday meeshii rahu ku noolaa, laakiin wuu heli kari waayay,baaritaan badan ka dib ayaa ninkii arkay rahii oo ku dhuumanaya lakabyo badan oo dhoobo ah hoostood,markaas inta uu u tagay ayuu waydiiyay inuu bixiyo deyntii sidii horay u ballan qaaday, laakin in yar oo aamusnaan ah ka dib ayaa rahii si miskiinimo ah u yiri ( sida aad ogtahay saaxibaw waxaynu ku jirnaa jiilaal sida dhabta ahna ma aha waqti ku haboon in laga hadlo deyman . waad aragtaa inaan ahay caato itaal yar waxaanan u baahanahay cid i kaaalmaysa fadlan ii naxariiso oo igu soo noqo guga soo socda lacagtaadi diyaar ayeey kuu tahay markaa ).

ninkii wuu garan waayay wuxuu sameeyo inuu iska tago isaga oo caga jiidaya moyaane, lakiin dariskuu ka bartay waxa meesha kaga dhacay wuxuu noqday in dabeecadu marna aanay raha ku caawin inuu deymanka iska bixiyo markaas ayuu lacagtii ku qoray diiwaanka deynta xumaatay dibna ugu ma soo noqon rahii.